عم شوفك متل النجمه
بتضوي ليلي السهران
وعم بحلم قلك كلمه
ما نقالت بعد لأنسان
عم بندر شوفك بكرا
والوقت ل عندي هربان
ويا خوفي تضلك فكرا
والوعد يضلو نسيان
ولو بعدت عنا الأيام
أيامي عم شوفا فيك
وبجنوني بضل بلاقيك
بتلبك لما بحاكيك
كأنك متلي عشقان
وانت اللي قلبك أطيب
من قلبي وبعدك أقرب
من روحي ولولا بتطلب
بيرخصلك عمري فرحان
انت يا أحلى الأوطان
سميتك وطني لبنان ...
يا وطني جايي لاقيك
فوق الكل جنوبك طل
وفجرك هل
يا وطني يا سيد الكل
وفوق الكل جنوبك طل
وعنك فل
الغيم الأسود..
جايي تتراباتك اعبد
جايي تا إفركها بإيدي
وفرفح عيدي
بدم الشهدا ، اليوم بيشهد
إنك عز ،
صمودك أرز ،
وعرسك عالي ما بينهز
يا وطني ... يا نسمة عصر
برمادك أحلى من القصر
وكنو بيحلى قوس النصر ،
بيلبق ع صدرك نيشان
انت يا أحلى الأوطان
سميتك وطني لبنان
يا وطني ،
يا ساكن بالي،
وغصب ن عني ،
ان قلت بحبك ،
بقشع حالي، بفوت الجنه
وبرجع لترابك ها الغالي
ترابك مني،
وحتى تضلك انت الغالي
بضل بغني
بيروت النجمي ل بتلالي
وعم يبرق إسمك لبنان
انت يا أحلى الأوطان ...
رئيس الإتحاد العربي الألماني للجاليات في ألمانيا